New Delhi, Jymmang:

Na ka liang jong ka Ultimate Fighting Championship (UFC) ka pynbna paidbah kyrpang ha kaba iadei bad ka prokram jing-ialehkai jong ka Road to UFC Season 2 Quarterfinals ka ban sa long ha China ha ki khyndiat sngi ban wan jong une u bnai ba mynta.

Kumta ka bynta ba-ar jong katei ka lympung ialehkai kan pyntyllun da kajuh ka rukom pynialehkai ha kaba 32 ngut ki nongialehkai MMA na ka dewbah – Asia ki ioh da ka “Win & Advance”, kaba dei ka lad ka lynti na ka bynta ban ioh iateh ia ka kontrak UFC ha baroh shi lynter jong ki saw kyrdan ialehkai.

Nangta la ong ruh ba ki nongjop ha man la ki kyrdan ialehkai katkum ka jingkhia jong ki nongialehkai kin ioh ban iateh kontrak. Ka khubor ka iathuh ruh ba u nongialehkai na India u Anshul Jubli u lah ioh ban khur ia ka kontrak Lightweight UFC ha u bnai Lber mynta u snem hadien ba u la lah ban khur shalade ia ka belt Lighweight Road to UFC.

Ha katei ka aiom ialehkai kaba ar jong ka lympung, yn sa kiew jylli iakhun da ki arnut ki rangialehkai ka ri kata u Sumit Kumar (Flyweight) bad u Rana Rudra Pratap Singh ha ka kyrdan ialehkai jong ka Bantamweight.

Ka kylla iakhun quarterfinal jong katei ka lympung ialehkai ka ban sa long, kan long ha UFC’s Performance Institute kaba don ha Shanghai, ha kaba u Sumit un pynkhreh bha ialade na ka bynta ban ia aireng pyrshah ia uba na South Korea u Seung Guk Choi ha ka sngi ba nyng-kong jong ka lympung ialehkai kata ha ka 27 tarik mynta u bnai katba u Rana un pynkhreh na bynta ka jingiakhun pyrshah bad uba na South Korea u Chang Ho Lee.

Ka prokram ialehkai jong ka bynta ba 2 katei ka lympung ialehkai ka kynthup:

Episode 1: 27 Jymmang

Featherweight: Keisuke Sasu (Japan) vs Sang Won Kim (Korea)

Flyweight: Mark Climaco (Philippines) vs Jung Hyun Lee (South Korea)

Featherweight: Yi Zha (China) vs Abdul Azeem Badakhshi (Afghanistan)

Flyweight: Rei Tsuruya (Japan) vs Ronal Siahaan (Indonesia)

Episode 2: 27Jymmang

Featherweight: Li Kaiwen (China) vs Reza Arianto (Indonesia)

Flyweight: Sumit Kumar (India) vs Seung Guk Choi (South Korea)

Featherweight: Yibugele (China) vs Koya Kanda (Japan)

Flyweight: Ji Niushiyue (China) vs Billy Pasulatan (Indonesia)

Episode 3: 28 Jymmang