C. B. Iawphniaw
Haba ai jait Khasi hana ym bit ban ai NOC shuh, hato ka shong ain shong nia? Em, lada ai jait kpa ne ai jait kmie ka dei ka hok jong ngi ki Khasi kam dei kaba be-ain. Ka jingleh ka KHADC kaba mynta ka dei ka jingiuhroit ia ka hok bad ka dustur ka riti u Khun Khasi. Lehse kane ka jingleh ka KHADC ka lah ba long na ka jingmushlia jong ki bor ba nabar ba ka jingthmu ka long ban pynpait pynpra ia ka jinglong kawei ka jaitbynriew Hynñiewtrep.
Kane baroh ka lah ruh ban mih namar ngim sngewthuh ia ki ain ba buh u Blei. Hooid u Khasi paka u dei hi u Khasi wat la u shong ha Delhi ne ha U. S. A. ruh. Hynrei kito ki khun ba ioh shipiah ne ki shiteng jait ki ia ong. Namar balei ka mih kane ka jingkhot ki khun shipiah, phi ia sngewthuh ba kam dei ka shi tyngka pura ka dei shiteng na ki shi tyngka. Kumta ki khor kein ki khun shipiah. Kane ka mut kim dei ban kein ki Khasi paka ki dei ki Khasi ba shim jait kmie hynrei kim dei ki Khasi paka. Kum kine kiei kiei ngim lah ban shu pdiang matlah ha ka kur ka jait u khun Khasi tynrai.
