Madrid, Jymmang:
Hadien ka jingmih noh jong u khlur ialehkai phutbol ka Argentina u Lionel Messi na ka klob Barcelona, ka khubor ka iathuh ba katei ka lympung ialehkai ha ka Spanish La Liga ka lah rah ia ka trophy jingjop na katei ka lympung ha ka sien kaba nyngkong eh. Kane ka wan urong hadien ba katei ka klob ka la lah ban khur noh shalade ia ki 4-2 kol jingjop pyrshah ia ka Espanyol.
Haba phai sha ka jing-iakhun hapdeng kitei ki ar kynhun ialehkai, u Robert Lewandowski ka Barcelona uba la lah ban ialehkai bha ha ka jing-iakhun tat haduh ba un da ioh thep kol ar sien na ka bynta ban pyntam kol shakhmat ia ka kynhun baroh kawei bad ban rah ruh ia katei ka trophy jingjop kaba nyngkong ha kane ka pateng ialehkai kaba mynta naduh ba ioh rah teng ha u snem 2019.
Ka khubor ka iathuh ruh ba ka ia ka jing-iaknieh rah ia ka trophy la ri-kyndong da ki saw kylla iakhun kiba sah bad ki ar snem hadien ba u Messi u lah iehnoh ia ka klob na ka daw jong ka jinghiran ka pla pisa jong ka klob.
Ha katei ka jingiakhun pyrshah ia ka Espanyol, u Alejandro Balde bad Jules Koundé na ka Barcelona ki lah ioh ban kamai kol na ka jing-iakhun bad pynlong mynta ia katei ka kynhun ialehkai ban don ia ki 27 tylli ki khusnam jingjop kata da phra tylli duna ban ia ka Real Madrid.
Katei ka jingjop jong ka klob ha ka shnong jong katei ka kynhun iakhun pyrshah ka la pynlong ia ka Barcelona ban khur ia ki 85 dor-thong na ki 34 tylli ki jingialehkai kaba long da 14 dor-thong khambun shuh shuh ban ia ka Real Madrid kaba lah rah ia ka thong jingjop da 1-0 kol pyrshah ia ka Gatafe. Ka klob Barcelona ka lah lamkhmat naduh ka 13 kylla iakhun bad kaba la lah ban bat halade ia ka jingiakhun ha ka jingiada ka jong ka da ki 13 kol kaba long da 14 ban ia kino kino ki klob. Ka long ruh ka kynhun kaba don ia ki 25 Clean Sheets. Ka klob Barcelona ka lah rah ruh ia ki 8 trophy jingjop ha ki 11 aiom ialehkai ha baroh shi lynter jong u 2019.
Ka long ruh ka klob ialehkai kaba lah wan ba-ar ia ka Madrid ha u 2020 bad hadien kata kum kaba lai hadien ka Real Madrid bad ka Atletico ha u snem 2021 bad ha ka aiom ialehkai ba lah dep, ka lah wan ba-ar ia ka ka Madrid. Katei ka klob ka lah rah ruh ia ka trophy jingjop ba nyngkong khlem u Messi, ka lah wan urlong ha ka lympung Spanish Super Cup ha u bnai K’lyngkot mynta u snem. Ka klob kaba dang ialeh na ka bynta ban khur ia ka trophy jingjop kaba paw naduh ba u nongpyniaid bahakhliehduh jong ka klob u Joan Laporta u lah shim ia ka sienjam na ka bynta ban thaw thymmai noh ia ka ram baroh kawei jong ka klob bad ka jingpynthymmai ruh ia ka kynhun ialehkai baroh kawei da kaba thied rangialehkai kum u Robert Lewandowski, Jules Koundé bad Raphinha.
Katei ka jingshah rem noh jong ka klob Espanyol ka long kaei kaei ka kam kaba sngewsih ba ka klob ka lah mad mynta ha ka jingiahun jong ka pyrshah ia ka jaka ban shah weng noh na ka lympung. Katei ka klob ka lah rah jingjop tang shisien ha ki 10 jingialehkai ba lah dep, kata kawei ka jingiakhaid ba ka la lah ban pynurlong bad ki phra tylli ki jingshah pynrem.
Dei ha u snem 2020 ba ka lah shah weng noh na ka lympung ialehkai ha ka sien kaba nyngkong bad kaba lah ioh ban wanphai biang sha ka lympung ha ka sien iakhun kaba nyngkong kum ka kynhun lahduh ha ka 2nd Division.
