Jowai, Jymmang 16:
Ha ka Sngi Ba-ar ka la don ka jingïalang jong ki ar district, kita ka West Jaiñtia Hills District bad West Karbi Anglong District ha Khanduli ban ïakren halor ka jingjia ha katei ka shnong.
Ha katei ka jingïalang la don lang ki Deputy Commissioner bad Superintendent of Police na kitei ar tylli ki district bad kiwei ki heh ophisar.
Ha katei ka jingïalang la ïakut ba baroh ar district kin ïatreilang ryngkat khnang ban wanrah biang ïa ka shongsuk shongsaiñ ha ka thaiñ Khanduli.
Nalorkata, la ïakut ruh ban pynlong biang ïa ka jingïalang ïasuk ka ban donlang ki majistor na ki ar district bad ki nongmihkhmat na ka jaitbynriew Pnar bad Karbi.
Ha kane ka jingïalang la wan shim bynta bun eh da ki Pnar, hynrei na liang ki Karbi la wan tang khyndiat ngut namar kim ïoh jingtip ha ka por kaba biang.
La ïakren halor ki jingeh ba mih ha katei ka thaiñ, hynrei namar ka jingduna paid ki nong Karbi ba wan sha ka jingïalang bad ki la ong ba kim lah ban shim kano kano ka rai ha kaba ïadei bad kane.
Kumta ban wanrah biang ïa ka shongsuk shongsaiñ, la ïakut ba shen yn pynlong biang ïa ka jingïalang ïasuk.
