Shillong, Jymmang 17:
Kum shi bynta ban wanrah ïa ka jingshngaiñ bad jingsumar, ki ar ngut ki Myntri Rangbah jong ka Meghalaya bad Assam kin sa leit sha Block-I & II.
U Myntri Rangbah, u Conrad K Sangma u la ïathuh ba ka jingïakren hapdeng ki ar ngut ki Myntri Rangbah ka Sorkar Meghalaya bad Sorkar Assam kin sa ïakynduh kumba la pynbeit ha ka 24 tarik mynta u Jymmang.
U la ong ba ka jingleit jngoh ïa ki jaka baroh ar tylli khlem pep kan long ka lad ban pynneh ïa ka suk ka saiñ bad jingsuk ha kito ki jaka. Nalor kata, u la kyntu ïa ki nongshong shnong ha baroh ban phaikhmat sha ka suk ka saiñ.
Lah ban kdew ba ki jingïakynad ki la mih ha thaiñ Khanduli kaba hap ha West Jaiñtia Hills district.
