Chennai, Jymmang:
Ki nong-iashimbynta ka ri (Ind) ha ka lympung ialehkai jong kiba duna dkhot-met ka World Para Athletics Grand Prix ha Jesolo, Italy ki lah poi sha kaba kut noh ka jingiaid lynti ka jong ki hadien ba ka kynhun ialehkai ka ri ka la lah ban khur shalade ia 2 tylli ka takma Ksiar bad 3 tylli ka takma Rupa.
Haba phai ha kaba iadei bad katei ka bynta jong ka jingiaid lynti ka ri ha ka lympung, u Abhishek Chamoli bad Sachin Sarjerao Khilari ki long ki nongmihkhmat ka ri sha ka lympung kiba la lah ban khur ia ka takma Ksiar na ka jingiakob kawang Sum ki shynrang ha ka F53-54 bad kumjuh ruh na ka jingialehkai Shot-Putt ka F38-46.
Shuh shuh ruh ka khubor ka iathuh ba u Chamoli u la lah ruh ha ka ban khur takma na ka jingialehkai Shot-Putt ki shynrang ha ka F53-54, hynrei mynta ka kynti u la lah ban khur ia ka takma Rupa na katei kajuh jingialehkai.
Kiwei pat ki ar takma Rupa ia kaba lah khur da ki nongialehkai ka ri ki long ka Jothi Adivappa Hosur na ka jingiakob mareh 1500m ki kynthei ha ka T11[2/3] bad u Sandeep na ki shynrang ha ka 1500m.
