Jowai, Jymmang 17:
Ka shlem treikam jong ka District Sports Officer (DSO), East Jaiñtia Hills District, Khliehriat ka la khot bad wer ïa baroh ki skul ba don hapoh jong ka district ba kin wan ban ïashim bynta ha ka District Level Subroto Mukherjee Cup Football Tournament ka ban long ha u bnai Jylliew 2023.
La pyntip ba ïa ki form lah ban ïoh na ka shlem treikam ka DSO, ha Dkiah Indoor Hall ha ka por longtrei. Ka tarik ba khatduh ban phah ne pynpoi ïa ki form kan long ha ka 6 tarik u bnai Jylliew.
La shah ban ai kyrteng tang 18 ngut ki nongïalehkai na kawei pa kawei ka skul.
Ka jingot ïa u snem ki khynnah ka long na ka bynta ki Under-14 Boys ki dei ban long kiba kha ha lane shuwa ka 1 tarik Kyllalyngkot 2010, ka Under -17 Boys bad Girls ki dei ban long kiba kha ha lane shuwa ka 1 tarik Kyllalyngkot 2007.
