Shillong, Jymmang 17:
Ka Khasi Hills Autonomous District Council (KHADC) lyngba ka Executive Member ba dei peit ïa ka tnat Market ka la pynbna ba ïa ki mar rep ba la wanrah da ki nongrep ha baroh ki ïew ki hat kiba hap hapoh ka jingpeit jingkhmih jong ka KHADC, ki nongthied ki dei ban da thew biang pat ïa ki khoh, kriah bad ki byrni kiba la pynthylli hadien ba la pyllait ne theh ïa ki mar rep.
Ka KHADC ka la ong da kaba leh kumtei, yn tip katno ka khoh ne kriah ne byrni ka khia bad hadien kata sa khate. La ong ruh ba kino-kino kiba leh pyrshah ïa kane ka hukum kin shah pynshitom katkum ka aiñ.
