Kolkata, Jymmang:
U B.Dhiraj napdeng ki shynrang bad ka Simranjeet Kaur ki long napdeng ki nongialehkai siat Khnam ba tbit tam jong ka ri ha ka kyrdan iakhun paramarwei ha ka Recurve jong ki kylla iaknieh kyrdan jong ka lympung ialehkai ba mynta ha Shanghai ka Archery World Cup Stage-2.
Ha kata ka jingiakhun jong kitei ki ar ngut, u Dhiraj u la lah ban siat haduh 656 dor-thong na ka bynta ban khur shalade ia ka jaka ba 13, katba ka Simranjeet pat ka la lah ban kamai haduh 648 dor-thong na ka bynta ban ioh ia ka jaka ba phra. Shuh shuh ki rangsiat Khnam ka ri kata u Atanu Das (638, 44 th), Neeraj Chauhan (638, 47 th) bad Tarundeep Rai (631, 57 th) bad ki nongsiat napdeng ki kynthei kata ka Bhajan Kaur (638, 17 th), Ankita Bhakat (630, 24 th) bad Aditi Jaiswal (618, 42 nd) ki long kiwei pat ki nongialehkai kiba la mihkhmat ia ka ri kiba dang iaisah ha katei ka lympung ialehkai.
Ka kynhun ialehkai jong ki shynrang ka lah shah buh ha ka jaka ba phra da 1932 dor-thong, katba ka kynhun jong ki kynthei ha ka jak aba saw da 1916 bad ka kynhun ba mar shijur ha ka jaka ba san da 1304 dor-thong. Ha ki rynsan iakhun jong ka Compound, ka kynhun ialehkai ki shynrang kaba kynthup ia u Ojas Deotale, Rishabh Yadav bad Prathamesh Jawkar, ki lah ioh da ka ‘Bye’ bad pynliem ruh ia ka Indonesia da 236-228 ha shuwa ba kin shah pynliem noh da 231-234 ha ka Mexico. Ka kynhun ialehkai jong ki kynthei kaba kynthup ia ka V. Jyothi Surekha, Aditi Swami bad Avneet Kaur ka lah ioh da ka ‘Bye ha ka kylla iakhun kaba nyngkong, hynrei kaba lah shah pynliem noh da 228-231 ha ka Chinese Taipei.
