Paris, Jymmang:
U President ka France, u Emmanuel Macron ha ki khyndiat Sngi ba la leit, u la pynbna ba ka France ka plie ia ka jingkhang naka bynta ki shipai liengsuiñ ka Ukraine, kiba donkam ban pyntbit ialade ba kin leit ban iasnoh kti lang bad ka France khnang ba kin ioh jingpyntbit naka bynta ka jingiakhun thma jong ki pyrshah ia ka Russia ha ki sngi ban wan.
U Macron u la kren ia kane hadien ka sngi ka jingleit jurip jong u President ka Ukraine- u Volodymyr Zelensky sha Paris ha ka sien jurip kaba 2 sha France naduh ba khie ka thma Russia bad Ukraine.
Kumta, u la ong ba ka France ka pdiang sngewbha ia ki shipai ka Ukraine ba kin leit ban iasnoh kti lang bad ban pyntbit ialade hapoh France ha ryngkat bad kiwei de ki ri ka Europe kiba kwah ban ïashim bynta lang bad u la ong ruh ba katei ka ‘training’ kan long shen ha kine ki sngi ki ban wan hi.
