Chennai, Jymmang:
U kapten jong ka kynhun ialehkai Kriket ha ka Indian Premier League (IPL) kaba mynta ka Kolkata Knight Riders u Nitish Rana, u lah shah dain kuna haduh T. 24 lakh halor ka jingpyntreikam ka jong u ia ka Slow over-Rate ha ka por ba ka kynhun ka dang iakhun pyrshah ia ka Chennai Super Kings ha ka lympung ialehkai IPL ba mynta.
Ka khubor ka iathuh ruh ba ka long ruh ka sien kaba ar ba utei u nongialehkai un mad ia ka jingshah pynshitom ha ka aiom ialehkai ba mynta hapoh ka kyndon CoC (Code of Conduct) jong katei ka lympung ialehkai kaba iadei bad ka jingiai pynduna ia ka Over-rate Offences.
Kumta u Rana u lah ngat ha ka jingshah dain kuna kaba T. 24 lak bad man la ki dkhot jong ka kynhun ialehkai 1st XI, kaba kynthup ia ka Substitute ia kaba lah dain kuna da T. 6 lak ne 25 % na ka jingsiew ka jong ki kaba long ruh ka kuna kaba dang duna. Ha kata ka jingiakhun, ka KKR ka lah rah ia ka jingjop da 6 wiket na ka bynta ban iaisah ha ka jingiakhun ka jong ka na ka bynta ban ioh jaka ha ka Play-off. Kumta ruh ka CSK ka long kaba ar ha ka thup kyrdan jong katei ka lympung ialehkai bad kaba lah khmih lynti ruh ban lah pyndep ia ka jingiaid lynti ha katei ka lympung ialehkai ha ka thup kyrdan ba 4.
