Shillong, Jymmang 18:
U MLA barim ka Mawlai konstitwensi, u Bah Process T Sawkmie u la shah thung kum u Co-Chairman ka Meghalaya State Development Reforms Commission (SDRC) ha ka kyrdan lane ‘Category A’ katkum ka jingpynbna ba la pynmih da ka tnat Programme Implementation & Evaluation ha ka 15 tarik Jymmang.
Nalor u Bah Process, ka sorkar la thung ïa u MLA barim ka NPP, u Satto R Marak bad ïa u Bah Equator L. Nongrang, MDC barim ka Mairang, kum ki Co-Chairman ka SDRC ha ka ‘Category ‘A’. Ha kajuh ka por, ka sorkar ka la thung ïa u Bah Mutshwa Thabah kum u Vice-Chairman ka SDRC ha ka ‘Category B’.
Ïa ka SDRC la khlieh da u Arbinstone B. Marak, MLA ka NPP kum u Chairman.
