Shillong, Jymmang 18:
Ka Seng Khasi College ka la sdang ïa ka Inter School Invitational Futsal Competition na ka bynta ki khynnah shynrang ha ka sngi Palei ha madan Weiking bad kane ka long shi bynta jong ka jingrakhe ïa ka Golden Jubilee.
Ha kane ka sngi plie la ïadon lang u Principal u Bah W.B Rynjah ryngkat ki nonghikai jong ka kolej, ki nonghikai na ki skul ba la wan ban ïashim bynta sha kane ka jingïakob bad ki khynnah skul.
Haba kaba ïadei bad ki jingïalehkai ha kane ka sngi, ka Pearly Dew Hr. Sec. School ka la lah ba kan pynliem noh ïa ka St Dominic Higher Secondary School da 1-0, ka Christian Academy Hr. Sec. School ka la pynliem noh ïa ka Seng Khasi Higher Secondary School da 3-2, ka Seng Khasi College ka la pynliem noh ïa ka Government Boy’s Higher Secondary School da 4-1 bad ka Mawlai Presbyterian Higher Secondary ka la pynliem noh ïa ka Sacred Heart Hr. Sec. School da 6-3.
Ïa ka jingïakhun semi final bad final jong kane ka jingïakob la buh ban long ha ka sngi kaba bud kata ha ka 19 tarik Jymmang.
Ka jingïakhun semi final kan long hapdeng ka Pearly Dew pyrshah ïa ka Seng Khasi College bad ka Christian Academy ïa ka Mawlai Presbyterian HSS.
