C. B. Iawphniaw
Kane ka long ka jingkylli kaba ngi kum ki paidbah ki pyrta jam na ka bynta ka jaidbynriew. Lada ngi iaid da kaba pynlong jingiakhih ym dei ngi la pynkhein ia ka synshar paidbah (Democracy system) kaba la mihkhmat da ki MLA/MDC/MP kum ki nongmihkhmat kiba la shah jied. Hato ka shongnia kum ki paidbah ban pynlong jingiakhih ban pynioh ia ka hok ka jaidbynriew, ym shuh lyngba ki nongmihkhmat hynrei ngin iakhih ban pynioh lyngba ka sur u paidbah. Ban pynioh ia ka bhah thungkam thungjam kaba ia ryngkat bad ban pynduh noh ia ka rukom buh por ban pynlip light, ban pynioh ban tih laitluid ia u dewiong, ban pynioh ia u pud u sam bad ia ka I. L. P., khlem da iaid lyngba ki nongmihkhmat ba la jied. Kumjuh ban pyrshah ia ka UCC bad bun kiwei kiwei kiba na ka liang ki nongmihkhmat kim pat leh ei ei. Lada dei ka lynti te ki sengbhalang, ki seng niam, ki seng sain hima sima ki lah kein ban pynioh ia kano kano ka jingdawa ki paidbah khlem da phai khmat sha ki nongmihkhmat kiba la jied. Haba u paidbah u la jied pynioh bun paid (majority) ia kano kano ka party ban ioh ia ka sorkar kata ka shong ha ka sorkar kein ban peit bad pynioh ia ka hok jong ngi ki paidbah lyngba ka Riti synshar jong ka ri India. Lada knieh noh da u paidbah kata ym don jingmut ban pynlong elekshon ban jied ia ki MLA bad ban thaw sorkar. Kam dei ia ngi ki paidbah ban shim ia ka ain ha kti. Kane ka long ka jingiohi ki jong nga kum u ‘riew paidbah haba ia dei bad kane ka bhah kam bhah jam.
