Dhaka, Jymmang:
Na ka liang jong ka Bangladesh Cricket Board (BCB) ka pynbna paidbah ha kaba iadei bad ka prokram ialehkai jong baroh ki jing-iakhun jong ka pyrshah ia ka Afghanistan ka ban leit iakhun pyrshah ia ka kynhun ialehkai Kriket ka Bangladesh ka ban sdang naduh ka 14 tarik u Jylliew da kawei ka jingialehkai Test ha Sher-e-Bangla National Stadium.
Kumta kata ka kynhun ialehkai na Afghanistan kan iuhkjat ha Dhaka ha ka 10 tarik u Jylliew na bynta kita ki jingiakhun bad ka ban sa wan ruh sha India na bynta ki jingia aireng kiba dangsah. Hadien kata, katei ka kynhun kan pynkhreh ban leitphai biang sha Bangladesh ha ka 1 tarik u Naitung; saw sngi ha shuwa ban sdang ki lai tylli ki jingiakhun ODIs ha kaba baroh ki jingialehkai lah dep ban pynbeit bay n pynialehkai ha Chattogram. Katei ka jingleit iakhun ka Afghanistan ka kynthup ruh ia ar tylli ki jingialehkai T20Is ban pynlong ha Sylhet ha ka 16 tarik u Naitung.
Kumta ruh ha shuwa ba kan poi ha ka ri Bangladesh, ka Afghanistan kan hap ban iakhun pyrshah shuwa bad ka Sri Lanka ha ki lai tylli ki jingiakhun ODI series ka ban sdang ha ka 2 tarik u Jylliew.
Ha ka jingialehkai ODIs, ka kynhun ialehkai na Bangladesh ka bat ia ka rekod jingjop da 7-4 ha ka jingiai iakhun ka jong ka ha ki lympung ialehkai katba ka Afghanistan haduh mynta ka dang iai shadkmen da ki 6-3 rekod jingjop ha ki jingialehkai.
Ka prokram ialehkai bapura jong ka Afghanistan ha ka jingleit iakhun jong ka sha Bangladesh:
14-18 Jylliew : One-off Test, Dhaka
5 Naitung : 1st ODIs, Chattogram
8 Naitung : 2nd ODI, Chattogram
11 Naitung: 3rd ODI, Chattogram
14 Naitung: 1st T20I, Sylhet
16 Naitung : 2nd T20I, Sylhet.
