Agartala, Jymmang:
Ki nongïalam jong ka Sorkar Tripura ha ki khyndiat sngi kiba la leit noh ki la phah da ka jingthoh sha ki nongïalam jong ka Sorkar Pdeng ban ai jingmut na ka bynta ban thaw sa ïa 8 tylli ki iew khappud ha kylleng ki thaiñ jong ka jylla. Kat kum ki jingïoh lum jingtip na ki bor sorkar jong ka jylla la pyntip ba ki don haduh 8 tylli ki ‘land customs station’ ha ka jylla, kynthup ïa kawei ka ‘integrated check post’ ha ka nongbah Agartala. Na ka liang ki nongïalam jong ka sorkar jylla ki la phah da ka jingthoh sha ka Sorkar Pdeng ban tei ïa ki iew khappud sa ha ka thaiñ Kamalpur, Dhalai district bad ha ka thaiñ Ragna, North district. Shuh shuh la ïoh jingtip ruh ba na ka liang ka sorkar jylla ka la rai ban kyntiew ruh ïa ka thaiñ Kumarghat, Unakoti district sha kawei ka thaiñ kaba jur eh ha ka liang ka jinglah ban pynmih ïa ki ‘agarbatti’.
