Shillong, Jymmang 21:
Ka lympung ïalehkai 2nd Chief Minister District Level Inter-School Athletic Meet 2023 ba la pynïaid da ka shlem treikam jong ka District Sports Officer (DSO), Eastern West Khasi Hills ka la poi sha kaba kut ha ka 19 tarik mynta u bnai ha madan Dommawlum kaba ha Pyndengumïong, Mairang.
Ïa ka nam Best Athlete ha ka kyrdan ïalehkai Under-14 la khur da u Banteiskhem Kharmawlong na ka St. Thomas HSS bad ka Sylviamagdaline Marshiangbai na ka St. Joseph HSS. Ha ka Under-16 la ïoh da u Kyrshan Iawler na St. Joseph HSS bad ka Dahunshisha Ryntathiang na ka Mairang Presbyterian English SS. Ha ka Under-18 la rah da u Lawanphrang L. Mawnai bad ka Kandamankyrhai L. Nonglait, kiba na ka Mairang Presbyterian SS.
Ïa ka nam Best Team la ïoh da ka St. Joseph HSS ha ka liang ki shynrang bad kynthei. Katba ïa ka nam Best March Past la ïoh da ka Pyndenumïong Presbyterian Secondary School.
