Balochistan, Jymmang:
Kumba 7 ngut ki briew ki la mynsaw katba u heh jong ka seng Jamaat-e-Ismali (JI) ka Pakistan, u Sirajul Gaq, u la lait thaw na ka jingiap hadien ba uwei u riew kheiñ duh u la leit ban thombor ha ka Sngi Thohdieng ha Zhob jong ka thaiñ Balochistan.
Napdeng kitei kiba mynsaw, 4 ngut ki don hapdeng ka jingshitom kaba kaba kham jur.
Hadien ka jinglait im jong u na katei ka kam thombor ha Zhob jong ka Balochistan, utei u heh nongialam ka Jamaat-e-Islami u la ong ba um sheptieng ia ka jingiap.
La ong ba utei u riew kheiñ duh u la pynbthei bom ialade habar ka kali ba u leit poi ha katei ka jaka bad ka bym don jingiada eiei, hynrei baroh kitei kiba shong hapoh ka kali, kim shym la shah ktah eiei na katei ka jingbthei.
Hynrei u Sirajul Gaq u la ong ba um don jingsheptieng khyndiat ruh ia ka jingiap namar ka jingim bad jingiap jong u ka shong ha ki kti u Allah.
Kumta ruh u la ong ba lada ki paidbah ki stad ban jied ia ki nongialam, ka ri kan ym jin da la jynjar bad shong syier kumba long mynta.
