Shillong, Jymmang 22:
Ka Sorkar Meghalaya Democratic Alliance (MDA-II) ka la ai kam ïa ki hynriew ngut ki briew kiba ju don ha ka saiñ hima da kaba thung ïa ki kum ki Co-chairman bad Vice Chairman jong ki Board bad Corporation ka Sorkar Jylla.
Kine ki long u MLA barim ka Nongstoiñ, u Bah Macmillan Byrsat kum u Co-Chairman ka Meghalaya Economic Development Council, u Bah Auguster Jyrwa kum u Vice Chairman ka Meghalaya Economic Development Council.
Nangta la thung ruh ïa ki lai ngut ki Co-Chairman ka Meghalaya State Planning Board kiba kynthup ïa u MLA barim ka Songsak, u Nihim D Shira lem bad ar ngut kiwei pat; kita, u Bah Donkupar War bad Babeth Sangma.
Nalor kata, la thung ruh ïa u Semford B Sangma kum u Co-Chairman ka Meghalaya Resource and Employment Generation Council.
Kine baroh kiba shah thung kam kin ïoh ka jingsiew na ka Sorkar ha la ki jong ki kyrdan.
