Adelaide, Jymmang:
Ha ka jingiakhun kaba lai bad ba khatduh jong ka jingiakhun Test ha ka jingialehkai Hockey ki kynthei, ka khubor ka iathuh ba ka kynhun ialehkai na India ka la lah ban beh nadien na ka bynta ban pyndep ia ka jingia aireng ka jong ka pyrshah ia ka Australia sha ka jingiakhaid kol da 1-1.
Kumta ha kaba iadei bad katei ka bynta, ka Australia kaba lah khur ia ka jingjop ha ki ar jingialehkai ba nyngkong, ka lah ioh ban khur shalade ia ki 2-0 jingjop na ki jingiakhun ha katei ka lympung. Shuh shuh ruh ha katei ka jingiakhun, ka Maddison Brooks na Australia ka lah ioh ban wanrah shakhmat ia ka kynhun ialehkai jong ka ha ka 25min ialehkai da ka jingpynioh ia ka kol ba nyngkong; katba ka nongialehkai na India ka Deep Grace Ekka ka la lah ban pynkylla sha ka kol na ka PC(Penalty Corner) ba ka kynhun ka lah ioh ban tied na ka bynta ban pyniaryngkat kol bad katei ka kynhun iakhun pyrshah ha ka 42 min ialehkai.
Ka khubor ka iathuh ruh ba ka tei ka jingleit iakhun ka India pyrshah ia ka Australia ka long kum shibynta jong ka jingpynkhreh ka kynhun na ka bynta ka lympung Asian Games mynta u snem ka ban sa long ha Hangzhou bad kaba mynta kan pynkhreh pat ban ia aireng sa bad ka Australia ‘A’ ha ka sngi palei jong ka taiew ba mynta.
