Shillong, Jymmang 22:
U Virat Kohli bad u Mohammed Siraj kin long ki ar ngut na ka thup kaba nyngkong ki ban leit sha London na ka bynta ka final jong ka World Test Championship (WTC) ha ka step jong ka sngi Ba-ar.
Ka India kan pyn-khreh ban ïakhun pyrshah ïa ka Australia ha ka WTC final ka ban long ha Oval naduh 7 haduh 11 tarik u Jylliew, ha kaba ki rangïalehkai ka ri kin mih ban leit sha UK ha ki ar ne lai kynhun.
Hadien ba ka jingïaid lynti ka Royal Challengers Bangalore ka la poi sha kaba kut ha ka IPL 2023, u Kohli bad u Siraj kin ïasoh lang bad ka thup kaba nyngkong jong ki rangïalehkai. U R. Ashwin bad u Axar Patel bad uwei pat u rangïalehkai (all-rounder) u Shardul Thakur, kin ïasoh lang bad kane ka kynhun ryngkat bad u Rahul Dravid kum u nonghikai.
Kiwei pat ki ar ngut ki rangïalehkai ki la don hapoh ka thup kaba nyngkong jong ki hynñiew ngut ki rangïalehkai ki long u rangïalehkai ka Kolkata Knight Riders u Umesh Yadav bad u rangïalehkai ka Lucknow Super Giants u Jaydev Unadkat, kiba la koit na ka jingmynsaw ka tyrpeng.
“Kin don haduh ar lane lai kynhun haba kheiñ lang baroh. Ka thup kaba nyngkong kan mih ha ka por 4.30 ha ka step jong ka sngi Ba-ar,” la pynpaw ki khubor na ka BCCI.
Ki hynñiew ngut ki rangïalehkai ki ban hap shong shwa hapoh ri India na ka bynta ka jingïalehkai ‘playoffs’ jong ka IPL, ki kynthup ïa u kapten u Rohit Sharma, Ravindra Jadeja, Ishan Kishan, Shubman Gill, Mohammad Shami, K.S Bharat bad u Ajinkya Rahane. U Cheteshwar Pujara u la ïashim bynta ha ka lympung ïalehkai kaba la long ha England bad un ïasoh lang bad ka kynhun ha London.
Lah ban kdew ba ka India kan yn ïashim bynta ha ka jingïalehkai kilanmet namar ka lympung ïalehkai English County Championship ka dangïaid shaphrang bad kat kum ka lympung ïalehkai jong ka ICC, ka England bad ka Wales Cricket Board (ECB) kim lah ban pynbiang ïa ki jaka kilanmet na ka bynta ka India.
Kiba bun na ki rangïalehkai kin hap ban ïashim bynta ban ïaknieh nam lahduh ha ka lympung IPL kaba la ïaid mynta la ar bnai, katba tang lai ngut ki rangïalehkai ka Australia kiba la ïashim bynta ha kane ka lympung.
Ha ka taiew ba la lah, u Ricky Ponting u la ong ba ka Australia kan hap ban pynkhreh bha na ka bynta ka jingïakhun final namar ka India ka la pynkhlaiñ lypa ban ïa ki.
“Ki don ar ki bynta na ka bynta kane. Kum u Virat, u long u rangïalehkai uba lah ban ïalehkai bha bad uba la lah ban kamai bun run bad uba long skhem bha ban ïalehkai ban ïa ki rangïalehkai ka Australia namar kim shym la ïashim bynta ha ki lympung ïalehkai kriket,” la ong u Ponting.
Ka India, kaba la wan ha ka kyrdan ba-ar ha u 2021, ka la khmih lynti ban khur ïa ka tophy kaba nyngkong eh ha ka lympung jong ka ICC ha ki 10 snem.
