Shillong, Jymmang 22:
7 ngut ki nongïalehkai hapoh ka lama jong ka All Meghalaya Sqay Association (AMSA) ki la lah ban pyndep ia ka jingiashim bynta ha ka Training Camp cum- Seminar kaba la long ha Manohar, Parikar Indoor Stadium kaba ha Goa naduh ha 12 haduh 16 tarik mynta u bnai.
Kine ki kynthup ïa u Francis R. R. Songthiang (3rd Dan), Kitbok Dkhar (2nd Dan), ka Espiranza Songthiang (2nd Dan), Shadwinson Kharmaw-phlang (1st Dan), Hamyllienki Dkhar (1st Dan) bad sa arngut ki ban sa pyndep hadien kata u Banshai Khyriemmujat bad u Pyndap Lyngdoh.
Kat kum ka kyrwoh la ong ba katei ka synjuk ka dangdei kaba thymmai bad mynta ka dangïaid ka jingpynrung kyrteng ha ka Society hapoh ka Jylla. Ka SQAY Martial Arts ka dei ka jingïaleh -kai kaba mih na ri India hi bad ha Goa ka la kham slem mynta.
La ong ba kane ka jingïalehkai Martial Arts ka la ioh ban rung mynta ha ka 37th National Games ha ban sa long ha Goa naduh u Risaw mynta u snem. Te kumta ka Jylla ka dangpynkhreh ban leit shim bynta ha kane ka lympung.
