Kyiv, Jymmang:
Katkum ki khubor, la ong ba ka Ukraine ha ka Sngi U Blei, ka la kyntait war halor ka jingïoh khubor ba ka nongbah Bakhmut ka la hap hapoh ka kti jong ki shipai ka Russia hadien ka jing-iakhun kaba la neh slem bha hapdeng ka Russia bad Ukraine. Namar ka jingiakhun dohiap jong ki shipai ka Ukraine ruh ka la wanrah jingeh shibun ia ki shipai ka Russia ba kin rung bad ban shong ha katei ka nongbah.
Katei ka jingkyntait na ka Ukraine, ka long hadien ka sngi ba u President ka Russia – u Vladimir Putin, u la ai khublei bad ïaroh ia ki shipai ka Russia halor ka jinglah jongki ban knieh noh ia katei ka nongbah Bakhmut kaba don sha ki bynta mihngi jong ka Ukraine. Namarkata ruh u Putin u la ong ba kane ka la pynpaw shai ia ka dak ka jingsdang jong ka jingjop ka Russia ha katei ka thma.
