Chennai, Jymmang:
Ha ka por ba pynlong ia ka jingialang kaba heh ba shisien shi snem ka Annual General Meeting (AGM) ia kaba lah khot pynlong da ka Swimming Federation of India (SFI) ia baroh ki shnat treikam ki jong ka ha ki jylla bapher bapher, ka khubor ba lah mih na ka jingialang ka pynbna paidbah ruh ba u RN Jayaprakash khlem kano kano ka jingshah pyrshah u lah shah jied biang sa shisien kum u khlieh duh nongpyniaid jong ka SFI.
Na ka liang jong utei u kyrtong uba lah jop ha ka jingiakhun u iathuh ba ka long ka kam kaba khraw ha ka ban shah jied biang mynta sa shisien ban pyntyllun ia ki kam ki jam ba dangsah jong ka synjuk.
Kumjuh ruh ha ka samoi treikam ba nyngkong ka jong u, u la lah ban pynsngew sarong ia ka synjuk baroh kawei halor ka jingiaid beit shakhmat ki kam ialehkai khlem kino kino ki diengpynkiang ki ban kah.
Shuh shuh ha katei ka sngi u lah pynpaw ruh ia ki kam ba seisoh jong ka synjuk ha ka por ba u dang shakri ia ka ha ka samoi treikam kaba nyngkongeh.
Ka long ruh ka kam ba seisoh jong ka synjuk ha kaba lah sakhi ruh ia ka jinglah ban thaw khana-pateng ha katei ka jait jingialehkai ha ka por ba arngut ki nongialehkai ka ri kata u Sajan Prakash bad Srihari Nataraj ki la lah ban kynjoh shaduh ka A Qualifying Standard na ka bynta ka jingshah jied ka jong ki sha ka Olympic 2021 ha Tokyo.
