China, Jymmang:
Ka khubor ba lah ioh lum ka iathuh ba ka kynhun ialehkai Badminton na China mynta ka lah khur ia ka rekod jingjop ba 13 na ka Sudirman Cup. Kane ka wan urlong hadien ba katei ka kynhun ka la lah ban pynliem noh ia ka kynhun iakhun pyrshah kaba snar ka South Korea ha ka jingia aireng jong ka ha-iing kaba long ruh ka lympung ialehkai kaba nyngkong ia kaba lah pynlong mynta ha ri China naduh ba lah weng noh ia ki kyndon pyrkhing COVID-19.
Ha katei ka jingiakhun phainal hapdeng kitei ki ar kynhun, ka khubor ka iathuh ruh ba ka China ka lah pynlyngkot ia ka rukom ialehkai jong katei ka kynhun iakhun pyrshah da kaba pynliem noh ia ka da 3-0. Shuh shuh ha ki jingialehkai, ka Chen Yufei na China ka lah pynliem noh ia ka An Se Young da 21-16, 22-20 ha ka jingiakhun paramarwei.
Katei ka lympung ialehkai ka long ruh ka bynta ba kongsan jong ka jingialehkai Badminton bad ka jingiathong ka long kaba lah kiew na kaba ju long mynta u snem namar ki rukom ialehkai jong ka kynhun lah niew shaid-shaid na ka bynta ban shah jied sha ka lympung ialehkai Olympic ha Paris ha u snem 2024. Ka kynhun China ka la lah ban tem ia ki jngeh ba ka iakynduh ha ka jingiakhun semifinal bad ka Japan, ha kaba kynhun ialehkai jong ki shynrang kata u Liu Yuchen & Ou Xuanyi ki la lah ban pyllait-im ia ka kynhun ha ki saw dor-thong ha shuwa ba kin paw kum ki nongjop.
Shuh shuh ruh ha ka jingiaid lynti sha katei ka jingiakhun phainal, ka South Korea ka lah pynliem noh ia ka Malaysia da 3-1. Ka khubor ba lah ioh lum ka iathuh ruh ba ka Zheng Siwei & Huang Yaqiong ki shah rem ha kaba nyngkong jong ka jingiakhun ba mar shijur bad kba lah iakhun kaba lah ei ha ka jingiakhun kaba ar na ka bynta ban paw kum ki nongjop da kaba khur noh shalade ia ki 18-21, 22-20, 21-8.
Ha ka jingiakhun paramarwei ki shynrang, u Lee Yun Gyu da kaba suk u lah mad ia ka jingshah pynrem noh ka jong u ha u Shi Yuqi.
