Guwahati, Jymmang:
Ki bor pulit jong ka jylla Assam ha ka 22 tarik mynta u bnai ki la pyntip ba u wei u samla u ba dang 30 snem ka rta u la shah rai tian bishar bad rai pynrem da ka jingshah set patok ka ban neh haduh 25 snem lynter na ka daw jong ka jingdonkti jong u ban shong kurim beaiñ bad kawei ka khynnah rit kaba dang 13 snem ka rta.
Halor katei ka jingjia la ïathuh ba na ka liang ka ïing kashari jong ka thaiñ Hailakandi district ka la tian bishar bad rai pynrem ïa utei u samla na ka daw jong ka jingdonkti jong u ban rahbor bad shong kurim beaiñ ïa katei ka khynnah rit.
Kat kum ka rai jong ka ïing kashari, la ïathuh ba ïa utei u samla la tian bishar ban set patok haduh 20 snem kat kum ki kyndon jong ka POCSO Act bad 5 snem kat kum ki kyndon jong ka Section 366 jong ka IPC.
Ïa utei u runar la tian bishar da u nongïasaid ka ïing kashari Hailakandi District – Sanjay Hazarika.
Na ka liang ka ïing kashari ka la hukum ruh ba utei u samla u dei ban siew ïa ka kuna kaba mar T.10,000 ha ki 2 tylli ki mokotduma bad lada um lah ban siew, ïa ka jingshah set patok jong u yn pynjlan shuh shuh sa da 1 snem.
