Durban, Jymmang:
Katkum ka khubor ba la ioh lum ka iathuh ba ki khlur ialehkai Table Tennis ka ri kiba kynthup naduh u Sharath Kamal, G. Sathiyan bad Manika Batra ha ka rynsan iakhun para marwei ka jong ki, ki lah rung mynta sa sha ka kylla iakhun kaba ar jong ka WTT World Table Tennis Championship kaba dang long mynta ha Durban.
Kumta ha ka jingiakhun jong kitei ki nongialehkai ba pawkhmat ka ri, u Sharath u la lah ban pynliem noh ia u David Serdaroglu na Austria na ka bynta ban jam sha ka kylla iakhun ba 64. Shuh shuh ruh u Sathiyan uba lah ialehkai bha naduh kaba sdang, u la lah ban pynliem noh ia u nongiakhun pyrshah na England u Tom Jarvis; katba ka khlur ialehkai napdeng ki kynthei ka Manika Batra da kaba suk ka la lah ban khur noh shalade ia ka jingjop jong ka pyrshah ia ka nongialehkai na Algeria ka Lynda Loghraibi.
Ki result: (first round):
1st Round: Men; Singles: Sharath Kamal ia u David Serdaroglu (Aut) da 11-8, 9-11, 11-9, 11-6, 11-6; G. Sathiyan ia u Tom Jarvis (Eng) da 11-9, 11-8, 7-11, 11-2, 13-15, 11-13, 11-6
Doubles: Sharath & Sathiyan ia u Mohamed El-Beiali & Mohamed Shouman (Egy) da 11-6, 11-9, 11-6.
Women: Singles: Manika Batra ia ka Lynda Loghraibi (Alg) da 11-1, 11-3, 11-2, 11-5.
Mixed doubles: Manav Thakkar & Archana Kamath ia ka Daniel Gonzalez w/o Melanie Diaz (Pur).
