Shillong, Jymmang 23:
U rangïalehkai barim ka Bengaluru FC, u Dimas Delgado un pynkhreh ban long kum u nongïarap (assistant coach) jong u Carles Cuadrat ha ka East Bengal na ka bynta ka aïom ïalehkai Indian Super League ka ban wan.
Ha ka por ba u dang don ha ka Bengaluru FC, u Delgado u la ïoh ban ïalehkai ha ka bynta shapdeng na ka bynta u Carles Cuadrat. Hynrei mynta pat un long kum u nongïarap lang na ka bynta utei u coach uba na Spain ïa katei ka kynhun kaba na Kolkata.
Ki khubor ki la pynpaw ba ka long kaba biang eh ïa ngi ban leit shim bynta. U Dimas Delgado u la pynkhreh ban leit ïasoh bad u Carles Cuadrat kum u nonghikai ha ka East Bengal. Ki la ïai bteng ban pynneh ïa u Bino George kum u assistant coach bad u Delgado un ïatrei lang ryngkat u Cuadrat bad u Bino.”
U Dimas Delgado u dei u rangïalehkai uba la paw bha hapoh ri India, khamtam ha ka por ba u dang ïalehkai na ka Bengaluru FC hapoh ka jingpeit u Carles Cuadrat. U Delgado uba la kynjoh 40 snem karta, u la leit ïalehkai na ka bynta ka kynhun kaba na Spain ka Monatnesa. U la wanphai biang sha ri India hadien ar snem ba u la ïalehkai ha Australia na ka bynta ka Western Sydney Wanderers ha u 2017.
U la ïadon bynta ban khur ïa ka nam lahduh ha ka lympung ISL na ka bynta ka BFC ha u 2018 bad u la ïalehkai na kane ka klob haduh u 2021. Hadien ba u Carles Cuadrat u la ïakhlad lok noh bad ka Bengaluru FC ha ka aïom ïalehkai 2020-21, bad kumta u Delgado ruh u la mih noh hadien ba la kut ka aïom ïalehkai.
Ha ka East Bengal, u Delgado um shim ïa ka bynta kaba nyngkong kum u nonghikai.
Hadien ki taïew ki la ïaid, ka East Bengal ka la rai ban thung ïa u coach ha ka 25 tarik u Ïaïong, bad kumta ka la thung ïa u Carles Cuadrat.
Kane ka klob ka la soi ruh ïa ka kontrak na ka bynta ban pynjlan ïa u rangïalehkai ba dangkhynah u Lalchungnunga ha u Nohprah jong u snem 2022.
Ha ka liang ki rangïalehkai nabar ri, kane ka klob ka la pynjlan ruh ïa ka kontrak u kapten ka kynhun bad uba long u rangthep kol ba kynsai jong ka aïom u Cleiton Silva. Kiwei ar ngut pat ki rangïalehkai nabar ri kita u Javier Siverio bad u Borja Herrera, ki la soi ïa ka kontrak na ka bynta kane ka klob.
Ha ka aïom ïalehkai ISL 2022-23, ka East Bengal ka la wan ha ka kyrdan ba khyndai. Kane ka kynhun ka la ïalehkai bha ha ka Hero Super Cup, hynrei kam shym la lah ban jam sha ka quarter final.
