Chennai, Jymmang:
Ka aiom ialehkai ba nyngkong jong ka lympung ialehkai Chess ka Global Chess League (GCL) kan sa sei mynta ia ki khlur ialehkai ba pawnam ha ka pyrthei kum u lahduh ha ka pyrthei u Ding Liren(China), Magnus Carlsen(Norway), Viswanathan Anand(Ind) bad ka lahduh saw sien ha ka pyrthei napdeng ki kynthei ka Hou Yifan napdeng kiwei pat ki nongshimbynta.
Kumta ka khubor ka iathuh ruh ba katei ka lympung ialehkai ba lah iasnohktilang bad ka hapdeng ka Tech Mahindra bad ka FIDE, kan sdang naduh ka 21 tarik Jylliew haduh ka 2 tarik u Naitung mynta u snem ha Dubai. Shuh shuh ka khubor ka iathuh ba baroh ki kynhun ialehkai kin ia aireng ha ka rukom pynialehkai ba thymmai ka One-of-a-kind Joint Team ha katei ka lympung ialehkai, ha kaba man la ka kynhun kaba kynthup ia ki nongialehkai ym palat ia ka 6 ngut bad ym duna ia arngut ki kynthei kawei ka kynhun ialehkai ha ryngkat bad ka nongialehkai ba paw na India ka Koneru Humpy bad ka Harika Dronavalli kin long ki shibynta ki kyrtong iakhun ia kaba lah shah pynrung ha ka thup. Da kaba bynrap ruh, na ka bynta katei ka lympung ialehkai kaba paw, katei ka lympug kan sei ruh ia ka rynsan iakhun na ka bynta ki nongialehkai Chess kiba don sap bha ha ryngkat bad ki hynriew ngut ki nongialehkai ka U-21 ban long shi bynta jong ka lympung kaba kynthup ia ki lai ngut ki GM ka ri India; u Praggnanandhaa R., Raunak Sadhwani bad Nihal Sarin.
Ka thup kyrteng jong ki nongialehkai ki ban shimbynta ha ka lympung kynthup naduh ki shynrang, kynthei bad U-21 ki long:
Men: Ding Liren, Viswanathan Anand, Nodirbek Abdusattorov, Leinier Domínguez, Alexander Grischuk, Daniil Dubov, Vidit Gujrathi, Gukesh D, Arjun Erigaisi, Shakhriyar Mamedyarov, Teimour Radjabov, Yi Wei, Yu Yangyi, Maxime Vachier-Lagrave, Richard Rapport, Kirill Shevchenko, Jan-Krzysztof Duda, Salem Salah
Women: Hou Yifan, Koneru Humpy, Harika Dronavalli, Kateryna Lagno, Alexandra Kosteniuk, Tan Zhongyi, Nana Dzagnidze, Bella Khotenashvili, Nino Batsiashvili, Irina Krush, Polina Shuvalova, Elisabeth Paehtz
U-21: Praggnanandhaa R., Raunak Sadhwani, Nihal Sarin, Jonas Buhl Bjerre, Javokhir Sindarov, Andrey Esipenko.
