Shillong, Jymmang 24:
U Symbud Myntri Rangbah ka Jylla, u Bah Prestone Tynsong u la ong ba ka Sorkar Jylla ka pynleit jingmut shwa ban ïakren halor ka Roster System haba ïadei bad ka rukom pyntreikam ïa ka, bad u la ong ba ka jingdawa ka VPP ka dei tang ïa ka Reservation Policy katkum ka jingbun briew, ym ïa ka Roster System.
Lah ban pynkynmaw ba ka VPP kam pyrshah ïa ka Roster System bad ka pdiang ïa ka halor ka nongrim ba ka jingeh ka dei ka Reservation Policy, hynrei ka Roster System kam dei ka jingeh ha ka bhah thungkam.
U Bah Prestone u la ong ba donkam ban kheiñ jingkheiñ ba katkum ka hukum ka Supreme Court, ka la ong ba ka bhah ka dei ka ban long hapoh 50 percent bad kumba ka long mynta ka dei shwa ka Roster System kaba hap ban ïakren bad dei ban pyrkhat ïa kata, namarba ban pynkiew ïa ki Khasi bad pynhiar ïa ki Garo dei ban pyrkhat namar ïa ka Reservation Policy kaba la pyrkhat bad pynwandur da ki nongïalam barim lada leh bakla kan long pynban ka jingbabe ïa ka jaitbynriew Khasi Jaiñtia bad Garo.
U la ong ba ka Sorkar Jylla ka la dep pynlong ïa ka jingïalang bad baroh ki seng saiñ pyrthei bad shen kan don ruh ka jingïakren bad kiwei ki kynhun namarba ka Sorkar ka kren beit ïa ka Roster System kaba long nangne shakhmat naduh ba wan ka hukum na ka Ïingbishar, ym ban ïakren ïa ka Reservation Policy ïa mynta.
