Durban, Jymmang:
Ka khlur ialehkai Table Tennis jong ki kynthei ka ri ka Manika Batra ka lah da iakhun da kaba tyngeh naduh kaba sdang jong ka jingia aireng ka jong ka, ha shuwa ba kan mad noh ia ka jingshah pynrem ha ka nongiakhun pyrshah kaba na Puerto Rico ka Adriana Diaz da 3-4 ha ka kylla iakhun kaba 32 jong ka lympung ialehkai ba mynta ka World Table Tennis Championships.
Hadien katei ka jingshah rem noh ka jong ka, ka Manika kan pynkhreh mynta ban iatreilang sa bad ka Archana Kamath bad ba ki arngut kin iakhun pyrshah bad ki thein a Japan ka Hina Hayata & Mima Ito ha ka rynsan iakhun pre-quarterfinal jong ka jingiakhun ba mar arngut ki kynthei.
Shuh shuh ruh ha kawei pat ka jingialehkai kaba la long hadien ha katei kajuh ka sngi, u Achanta Sharath Kamal bad Sathiyan Gnanasekaran ki la pynkhreh na ka bynta ka jingia aireng ka jong ki ha ka kyrdan iakhun mar arngut jong ki shynrang pyrshah ia ki nongialehkai na Bilat kata u Paul Drinkhall ha ka jingiatreilang bad u Liam Pitchford ha ka rynsan iakhun pre-quarterfinal.
Kum ban shu pynkynmaw biang hangne ka long ba kitei ki arngut nongialehkai ka ri ki lah dep ban pynliem teng ia kitei ki nongiakhun pyrshah na Bilat ha ka jingiaknieh takma Ksiar hapdeng jong ki ha ka lympung ialehkai CWG kaba lah long ha u snem ba lah dep ha Birmingham.
