Lahore, Jymmang:
Ka khubor ba lah ioh lum ka iathuh ba ka kynhun ialehkai ‘Bridge’ ka ri ka la lah ban khur haduh 4 tylli ka takma Ksiar na ka lympung Bridge Federation of Asia & Middle-East Championships (BFAME) ha Lahore, Pakistan bad da katei ka jingjop, katei ka kynhun ialehkai ka ri ka lah shah jied mynta sha ka World Bridge Championship 2023 ka ban sa long ha Marrakech, Morocco ha u bnai Nailar.
Haba phai sha ki jngiakhun jong ka kynhun ha ka open, women’s, mixed bad senior teams, ka khubor ka iathuh ba katei ka kynhun ialehkai ka ri ka lah ioh ban synshar bad pyniaid ia ki jingialehkai ha baroh kitei ki kyrdan iakhun ha ki kyrdan bapher bapher ba ki lah shim bynta.
Shuh shuh ruh, katei ka lympung ialehkai la ju pynbeit ban pynlong man la ki ar snem bad ka long ruh ka rynsan ialehkai na ka bynta ban jied kynhun ialehkai sha ka World Championships. Kumta ruh katei ka kynhun ialehkai ka ri yn sa sakhi ruh ia ka ha ka Asian Games mynta u snem ka ban sa long ha Hangzhou, China.
Ka kynhun ialehkai ka ri kaba lah khur ia ki saw takma Ksiar na ka lympung na ka jingtbit ki nongialehkai jong ka kynhun ialehkai ki shynrang bad kynthei ki long:
Open Teams: Jaggy Shivdasani, Joyjit Sensarma, Sandeep Thakral, Raju Tolani, Ajay Khare, Sumit Mukherjee, Rajeshwari Tiwari
Mixed Teams: Kiran Nadar, B Satyanarayana, Himani Khandelwal, Rajeev Khandelwal, Marianne Karmakar, Sandeep Karmakar
Women Team: Asha Sharma, Puja Batra, Alka Kshirsagar, Bharati Dey, Kalpana Gurjar, Vidhya Patel
Senior Team: Hemant Jalan, Samir Basak, Pranab Bardhan, Badal Das, Sukamal Das, Subrata Saha.
