Guwahati, Jymmang:
Ki bor pulit jong ka jylla Assam ha ka 24 tarik mynta u bnai ki la pyntip ba uwei u runar uba na ka nongbah Delhi u la shah kem ha ki bor pulit ka Government Railway Police (GRP) na ka daw jong ka jingdonkti jong u ban pyrshang khaïi tuh ïa ka ksiar. Utei u runar u la shah kem na ka rel Kaziranga Express kaba dang sangeh Kamakhya Railway Station, Guwahati, Assam. U runar u ba la shah kem ha katei ka sngi u dei u ba la tip kyrteng kum u Bikash Goyal – u nongshong shnong ka kyntoit Rohini jong ka nongbah Delhi. Na ka liang ki bor pulit ki la pyntip shuh shuh ba utei u runar u la shah kem ha ka por ba u dang thmu ban leit pynpoi beaiñ ïa ka ksiar sha ka nongbah Delhi na Assam.
