Nongstoiñ, Jymmang 25:
U Superintendent of Police ka West Khasi Hills District u la pyllait khubor ba u Bah Shelmikstun Nongphud uba la kot sha ka rta 44 snem bad uba dei u nongshong shnong jong ka shnong Domshohksoin, Rambrai, West Khasi Hills District u la jah naduh u bnai Lber 2023 bad haduh mynta ym pat ïoh jingtip shaphang jong u.
Ka kyrwoh khubor na u SP ka ong ruh ba utei u Bah Shelmikstun Nongphud u don ïa ka rynïeng kaba 5 phut 4 inshi eiei, u long uba shai sniehdoh bad ha ka por ba u jah, u la phong ïa ka T-Shirt rong lieh, ka half jacket, ka patlun rong ïong bad u la phong ruh da ki slipar.
