Mr. D. Pakyntein
“Kane ka pateng ba mynta ka dei ban leh ei ei, ba ki pateng ban dang wan kin sngew sarong. Ka jingiatrei lang da baroh ki jaitbynriew ka Jylla, kan pyntikna, ia ka suk ka sain, ki khun ki kti, ki khunksiew, ki khunmiaw, ki khunkhnai bad ruh na ka bynta ki khun samla jong ki pateng ban wan.” Kine ki kyntien badonburom/ bakongsan (Solemn Message) ba la mih na ka sur jong ka Voice of the People Party (VPP), ka pynkynmaw ia ngi ia kawei ka jingrwai ba pawnam kata ka “One Day at a Time” ba la thoh da ka Marijohn Wilkin bad u Kris Kristofferson: Yn sot khyndiat ia ka jingmut kane ka jingrwai [ai ianga ka bor, iarap ia nga mynta ka sngi, pyni ia nga ka lynti, kaei kaba nga dei ban leh, nga pan tang ia kane na Me, namar kaba mynhynnin ka lah leit ko Jisu Baieit bad kaba la shai ka lah ban long ba kam dei shuh ka jong nga]. Dang don jingkyrmen, namar katei ka sur ka lah rung ha kiba bun.
