Shillong, Jymmang 25:
Ki pulit ka Anti Narcotic Task Force (ANTF) ka East Khasi Hills ki la ïoh ban kem noh ïa uwei u nongkhaïi drok ha ryngkat u drok ba khia kumba 11.2 gram na kawei ka ïing kaba don ha Upper Kench’s Trace.
Kat kum ka khubor na ki pulit la ong ba ha ka janmiet jong ka Sngi Palei, ki pulit ka ANTF ki la pynlong ka jingkhynra ha ka ïing sah jong uwei u briew uba dei u nongkhaïi drok kaba don ha Upper Kench’s Trace.
La ong ba na kane ka ïing la ïoh ban kurup haduh 9 tylli ki synduk buh sabon ba la thep bha ïa u drok ‘Heroin’ ba khia haduh 110.2 gram, 100 tylli ki klong kiba thylli, 5 tylli ki thyrnia injek bad kawei ka mobile phone.
Kumta hadien katei la pynngat ïa ka case hapoh ka kyndon NDPS Act bad ka jingtohkit ka dang ïaid shakhmat.
