Shillong, Jymmang 25:
Ka Voice of the People Party (VPP) ha ka Sngi Palei ka la dawa ïa ka Sorkar Jylla ba kan nym pynlip bording ilektrik satia ha ka 26 bad 27 tarik Jymmang namar ka jingpynbna jong ka MBOSE ïa ka risol SSLC bad HSSLC ka ban pynkhih khohreh pat ïa ka jingthep klas jong ki samla pule ha ki skul bad kolej bapher bapher.
Ha ka kyrwoh khubor ba la pyllait da u Nongaiktien ka VPP, u Dr Batskhem Myrboh, u la ong ba ha kine ki ar sngi ki samla pule ki bun kam bha ban pynbiang ïa ki kot ki sla, kin donkam ha kaba ïadei bad ki jingshon (print) ïa ki marksheet ki jong ki bad ban pyndep ïa ka jingthep kyrteng jong ki ha ki skul bad ki kolej bapher bapher.
Kumta ka VPP ka la dawa ba ha kine ki ar sngi dei ban pyllait ïa ki samla na ki jingeh namar ka jingpynlip bording kan wanrah shibun ka jingeh bad ka jingduhnong ïa ki samla bad ka jingeh ïa ki jaka pule.
