Tripura, Jymmang:
Wat hadien ba u la duh noh ia ka jinglong nong-ialam ba ha khlieh duh jong ka Board of Control for Cricket in India (BCCI) u Saurav Ganguly, hynrei u long pat uba donbok mynta ka kynti ha kaba utei u khlur ialehkai barim jong ka India da ka mynsiem kaba kylluid u lah pdiang ia ka jingshah tyrwa ban long kum nong-rah ktien ne “Brand Ambassador” jong ka Tripura Tourism.
Kumta na ka liang jong u Myntri Rangbah ka Tripura u Manik Saha u iathuh ba ka long ka kam kaba kmen tam eh ia ka jylla naba utei u rangialehkai barim ka India u lah pdiang ia ka jingtyrwa kaba la tyrwa hakhmat jong u da ka sorkar katei ka jylla. Nangta u tikna ruh ba ka jingdonbyntalang jong u Gang ha ka tnat jong ka kam jngohkai ka jylla kan nang iai pynkhlain shuh shuh ia ka jingpyntyllun ia ki kam ki jam baroh ha ki bynta ki thain baroh kawei jong ka kam jngohkai ha katei ka jylla.
