Chennai, Jymmang:
Ka kynhun ialehkai Hockey jong ki kynthei ka ri ka lah nang iai pynjlan shuh shuh ia ka jingbym shym la lah ka jong ka ban khur ia ka jingjop, ha kaba katei ka kynhun ialehkai ka lah mad biang mynta sa shisien ia ka jingshah pynrem noh da 3-2 kol ha ka jingiakhun kaba jwat ka kynhun ha ka jingia aireng pyrshah bad ka Australia ‘A’ ha Mate Stadium, Adelaide.
Ha kaba sdang jong ka quarter iakhun kaba saw, katei ka kynhun ialehkai ka ri ka lah iai beh nadien ia ki 3 kol ba ka lah shah pynbam hadien ba kam pat shym la lah ban kamai kol eiei, hynrei katei ka kynhun ka la lah ban pynurlong halade ia ka jingiai bteng ka jingkhur kol jong ka kaba lah pynlong ia ka kynhun ban dang iaisah ha ka jingialehkai haduh ki sekhon ialehkai ba khatduh.
Kumta ruh katei ka kynhun ialehkai ka ri kam shym la lah satia ban pynkylla ia u soh ba ka lah ioh ban kheit wat na katei ka jingiakhun ba hadien ka jong ka.
Shuh shuh ka khubor ka iathuh ruh ba kham hashuwa, ka tei ka kynhun ka lah mad ruh ia ka jingshah pynrem ha ki lai jingialehkai da 2-0 pyrshah ia ka kynhun ialehkai kiba lah san ka Australia.
