Shillong, Jymmang 26:
U Principal bad ka Managing Committee jong ka Mynken Christian Higher Secondary School, Bhoirymbong (MCHSSB), kikhublei ïa ki nonghikai, ki kmie ki kpa bad ki khynnah jong ka skul naba ka skul mynta u u snem ka la ïoh ban kheit ïa u soh jong ka jingkmen lyngba ka jingtrei shitom da kaba ïoh ban rung ha ka thup kyrdan ‘Top-20’ ka eksamin Secondary School Leaving Certificate (SSLC), 2023.
Ïa kane ka skul la seng ha u snem 1963 bad mynta ka snem ka dei ruh ka snem ba ka skulkan rakhe ïa ka ‘Diamond Jubilee’.
Ha ka jingïaid lynti ha kine ki 60 snem, ka skul ka ju khmih lynti ban ïoh ïa kane ka burom.
“Na ka liang ki bor pynïaid skul, ngi ai khublei ïa i Hanika Barim iba la trei shitom bad wanrah ïa kane ka burom kaba khraw ïa ka skul da kaba i la ïoh 549 ‘mark’, kata 91.50% bad ‘Distinction’ ha baroh ki sobjek bad wan ruh ha ka kyrdan ba 15 da kaba ïoh ruh 100 ‘mark’ ha ka sobjek bad Health bad Physical Education,” ong ka kyrwoh na u Principal ka skul.
Ka kyrwoh ka phah ruh ka jingkyrkhu kyrdoh ïa i Hanika ba in nang trei shitom ha ki jingpule ba shakhmat jong i.
