Shillong, Jymmang 26:
Ki nongïalam ka United Democratic Party (UDP) ki la ïakynduh lang ha ka sngi Thohdieng ban ïakren halor ka Roster System bad haba ïadei ka Reservation Policy, ka long kaba donkam ban peit bniah biang, tangba donkam ban bishar bha namar ka dei ka mat kaba kham khluit (sensitive).
U President ka UDP, u Bah Metbah Lyngdoh u la ïathuh ba ka seng ka la jied uwei u MLA u ban mihkhmat ïa ka seng sha ka komiti kaba ka sorkar ka la thaw halor ka Roster System bad u la kyntu ia ka sorkar ban khot noh kloi ïa ki seng kiba don bynta ban ioh jingsha?,,orkar ban pan ia ki jingpynshai. Wat la ki la ioh ia ka jingshai, hynrei ha ka jingïakynduh jong ki dkhot jong ka seng ki sngew ba ki kwah ban dang ioh shuh shuh ia ka jingpynshai halor ka roster system.
U la ong ruh ba kaei kaba jia mynta ka long ba na ka liang ka sorkar khamtam ki tnat treikam ne kiba khot lait kam, ka long ba ka jingthung kam ka don ha ka lynti ban ioh ka jingpynshai.
“Haba ïadei bad ka roster, yn ïakren halor ka jingpyndap ïa ka bhah jong kane ka 40 -40 bad ka 15 bad 5. Hynrei ha ka jingthung kam pat bad ka jingpyndap ïa ki kam kiba lait, ka don ka jingong ban thep ia kaba sah khlem ban pat thep naduh u snem 1972, na ka liang ka seng ngi sngew ba mynta dei ban ïathir bha bad kane ka dei ka kam kaba kyrkieh kaba ki hap ban pynsngew sha u Myntri Rangbah bad sha ka sorkar ba kane ka roster system kam dei ban pyntreikam naduh u snem 1972, hynrei ban pyntrei kam nangne shakhmat,” u la ong.
Ka UDP ka la ong ba kam don kano kano kaba shai ha kine ki sanphew tylli ki snem na kata ka daw ka ong ba ïa kaba la dep, ym dei ban khyllie hynrei nangne sha khmat ka dei ban iaid beit kat kum ka reservation policy kaba la pynmih ha u snem 1972.” u la ong.
Ka UDP ka la kyntu ïa ka Sorkar ban pynsted bad halor kane bad na ka liang ka seng kan buddien halor kane.
Haba iadei bad ka reservation policy, u bah Metbah u la ong ba ka seng hashwa ban leit sha u paidbah, ka la dep pynpaw lyngba ka manifesto ba ka thrang ban don ka riview, kane ka dei ka mat kaba ka seng kan sa pynsngew sha ka sorkar.
“Kam don da kawei pat ka jingsngew halor kane, namar ngin buddien bad ïakren ïa kane bad ka Sorkar. Kane ka Reservation ka dei kaba ‘sensitive, bad donkam ban pynbeit bad bishar bha. Kam lah ban long ban pynurlong noh mar mar namarba hap ban don ka jingïatai sani bha kaba lah ban shim ïa ka por namar ka donkam ban don ka jingai jingmut hapdeng kiba donbynta lang,” u la ong.
