Nicosia, Jymmang:
Uwei na ki nongialehkai Long Jump ka ri (Ind) u Muhammed Anees Yahiya ha ka jingshimbynta ha ka lympung ialehkai ba mynta ka Cyprus International Athletics Meeting, um shym la lah ban pynseisoh ia ka kam ialehkai naba u duna da tang khyndiat eh na ka bynta ban khur ia ka takma Rnong na ka katei ka lympung.
Nangta ka khubor ka iathuh ba u nongialehkai na Bilat u Jack Roach u la lah ban pyndep ia ka jingiakhun ha ka jaka balai da ka jinglah ban kynthih ha ka jingjngai kaba 7.60m kaba long ka jingjngai kaba mar kajuh bad u Yahiya. Hynrei utei u nongialehkai na Bilat u lah ioh ban khur noh shalade ia ka takma Rnong na ka daw jong ka jinglah ban kiew sha ka kyrdan ba-ar na ka jinglah ban kynthih bha ban ia utei u rangialehkai na India.
Kumta, u Roach da ka jinglah ban kynthih haduh katei metre (7.58m), u Yahiya u lah wan hadien jong u bad kaba duna tang 0.07m ha ki khyndiat sngi ba lah dep. Katba u Murali Sreeshankar bad u Jeswin Aldrin ki la lah ban wan ha ka kyrdan ba nyngkong haduh ba-ar ha ka jingialehkai Long Jump ka jong ki ha ka International Jumping Meeting ha Kallithea, Greece; ha kaba u Sreeshankar u lah wan ba nyngkong ha ryngkat bad ka takma Ksiar da ka jinglah ban kynthih bha haduh 8.18m (wind speed: +0.6m/s) ha ka jingpyrshang kaba khatduh.
Kumjuh ruh utei uwei pat u rangialehkai ka ri, u Jeswin u lah wan ha ka kyrdan ba-ar bad khur ruh shalade ia ka takma Rupa hadien ka jinglah jong u ban kynthih ha ka jingjngai kaba 7.85m (wind speed: 0.5m/s). kumta ki lai sien pyrshang ba hadien ki jong u ki pynpaw ia ka jinglah jong u ban kynthih ha ka jingjngai kaba 7.74m, 7.74m bad 7.79m.
