Hyderabad, Jymmang:
Ia ka bynta ba nyngkong jong ka lympung ialehkai Taekwondo ka TPL (Taekwondo Premier League) kaba kynthup ia ki 12 tylli ki kynhun ialehkai, kan sdang naduh ka 22-26 tarik u Jylliew mynta u snem. Ha kane ka lympung ialehkai la pynbna ruh ia ka song pisa ka ban kit haduh T. 15 lak.
Shuh shuh ruh nalor ka song pisa, kiwei pat ki khusnam jingjop na ka bynta ka kyrdan iakhun para marwei yn sa tyrwa hakhmat ki nongialehkai. Kaba kham sngewtynand ka long ba ka TPL kan don ruh ia saw ngut ki riew kynthei kiba long ki trai jong ki kynhun ialehkai bapher bapher ki ban ia aireng ha ka lympung bad kita ki kynthup naduh ka Miss India Asia Pacific & Miss Asia Pacific World barim ka Srishti Rana kaba long trai ia ka kynhun Haryana Hunters, ka Ruchita Mittal ia ka Maharashtra Avengers, ka nongkhaii ba mawlynnai ba pawnam bha ka Shilpa Patel ia ka kynhun Bengaluru Ninjas bad ka Isha Patel ia ka Chennai Strikers. Ha kaba iadei bad ka shab jong katei ka lympung ialehkai, na ka liang jong ki nongpyniaid ki pynbna bay un sa pyllait paidbah shen ha ka jingiadonlang kitei ki trai jong ki kynhun ialehkai bad kiwei pat ki trai jong kiwei pat ki kynhun ialehkai kata u Shyam Patel ia ka Delhi Warriors, Allu Venkat Reddy ia ka Hyderabad Gliders, Vijay Kumar Bhansali ia ka Gujarat Thunders, bad u Bijit Gogoi ia ka Assam Heroes. Katei ka lympung ialehkai ka long ruh ka rynsan ialehkai jong ki kynhun, ha kaba man la ki kynhun ialehkai kaba kynthup ia san ngut ki dkhot, kapten bad man la ki nongiakhun kin long haduh san kylla jong ka 1.30 min ha ryngkat bad ka por pynkut ia ka jingiakhun ka ban long sa 30 sekhon.
