Shillong, Jymmang 28:
U HS Prannoy u la ïoh rah ïa ka nam lahduh kaba nyngkong eh ha ka jingim ïalehkai ka jong u na ka World Tour, hadien ba u lah ban pynliem noh ïa u Weng Hong Yang ka China ha ka final kaba la long ha ka Sngi U Blei.
Haba phai sha ka jingïalehkai final kaba itynnad bad ïakhaid bha, u HS Prannoy uba la 30 snem ka rta u la jop da 21-19, 13-21 bad 21-18, ka jingjop kaba la wan hadien 94 minit jong ka jingïaleh.
Shwa ïa kane ruh, u Prannoy u la lah ban pynliem noh ïa ki ar ngut ki khlur ïalehkai badminton ka China kata ïa u Chou Tien Chen bad u Li Shifeng, uba dei ruh u lahduh jong ka lympung All England Champion.
U Pullela Gopichand uba dei u National Coach u la ong ba kane ka dei ka jingjop kaba khraw, khamtam hadien ba u Prannoy u la hap ban ïakhun ki jingïalehkai kiba eh ha baroh kane ka taïew ba la lah. “U la lah shisha ban ïakhun ki jingïakhun kiba eh bad kane ka la lah ban dei ka World Championship lane ka All England-level field.
