Tura, Jymmang 28:
Ka A·chik Conscious Holistically Integrated Krima (ACHIK) ka la kyntait ban ïashim bynta ha ka jingïalang halor ka ‘Reservation Roster’ ka ban long ha Shillong namar ki daw bapher-bapher.
Ha ka shithi ba la phah sha u Joint Secretary ka Sorkar Jylla, ka seng ka la kdew ba ka jaka jong ka jingïalang halor ka ‘Reservation Roster’ na bynta ki nongshong shnong ba don ka jingkitkhlieh jong ka jaidbynriew A·chik ka dei ban long ha Tura, naba ka Tura ka dei ka nongbah jong ki jaidbynriew A·chik.
Halor ka jingdawa na bynta ka nongbah ha ka por tlang ha Tura, ka seng ka la ong ba ïa kane ka mat hap ban ïakren la ka jong.
“Ka kyrwoh ba la pyllait ha man la ki lad pathai khubor ha ka 3 tarik u Jymmang da u Myntri Rangbah, Conrad Sangma ka kren shai ba u long uba kloi ban ïakren bad baroh ki nongshong shnong ba don ka jingkitkhlieh ha man la ki distrik bad ngi shaniah ha ki kyntien jong u,” la ong ka ACHIK nalor ka jingkyrpad ban pynbeit ïa ka jingïalang ha Tura na bynta ki jaidbynriew Garo.
