Shillong, Jymmang 29:
Ka shlem treikam u District Sports Officer (DSO) Ri Bhoi District kan pynlong ïa ka lympung ïalehkai District Level Inter School Subroto Cup Football Tournament 2023 naduh 27 tarik u Jylliew ha Bhoirymbong.
Ha kane ka lympung la phiah ha ki lai tylli ki kyrdan ïalehkai, kita ka Under-14 jong ki khynnah shynrang, katba ka Under-17 jong ki khynnah shynrang bad kynthei.
Kumta ka shlem treikam ka ïawer ïa ki skul jong kane ka district ban ïashim bynta ha kane ka lympung. Ïa ki ‘form’ lah ban ïoh na katei ka shlem treikam naduh 5 tarik u Jylliew bad ka tarik khatduh ban pynpoi kan long ha ka 16 tarik.
