Shillong, Jymmang 29:
U nongtied ba kynsai bad uba long ruh kum kapten barim, u Virat Kohli u la ïasoh lang bad ka kynhun ïalehkai ka ri ha ka jingkilanmet ha ka lah sngi U Blei ha Arundel Castle Cricket Club.
Ka jingwanphai u Kohli sha kane ka kynhun ka lah ban pynlong ïa ka India ban don jingkyrmen na ka bynta ban ïalehkai ha ka World Test Championship (WTC) final pyrshah ïa ka Australia ka ban long ha Oval, ïa kaba la thmu ban sdang naduh 7 haduh 11 tarik u Jylliew.
Kiba la ïadon lang bad u Kohli ha ka prokram kilanmet ki long u Jaydev Unadkat, uba la koit pura na ka jingmynsaw ka tyrpeng. Kine baroh ar ngut ki la long kiba paw ha ka prokram kilanmet ha kaba la pdiang sngewbha da ki bor ba dei khmih ïa kane ka kynhun.
Na ka liang ka Board of Control for Cricket in India (BCCI) ka la pyllait ïa ki dur jong ki rangïa-lehkai kane ka kynhun, kynthup ïa u Kohli, kiba la sdang ïa ka prokram kilanmet ha ka final jong ka WTC ka ban long ha England. Ryngkat u Kohli, u Umesh Yadav bad u Mohammed Siraj ki la long kiba dangthymmai ban ïadon bynta lang ha kane ka jingkilanmet.
Kham hashwa, u Ravi-chandran Ashwin u la pynpaw ka jingtbit ha ka rukom kawang bol hapoh ka jar.
“Ki rangïalehkai jong ka kynhun ki la sdang ïa ka jingpynkhreh na ka bynta ka WTC23 ka ban long ha Arundel Castle Cricket Club,” la pynpaw ka BCCI.
Ha ka por ba dangkilanmet, la ïohi ba u Jaydev Unadkat u la ïakren bad u coach u Rahul Dravid ryngkat u bowling coach u Paras Mhambrey, ha kaba ki la ïakren ban pynleit jingmut na ka bynta katei ka jingïakhun.
U Cheteshwar Pujara, uba dangïai pynkhreh ban ïalehkai na ka bynta ka Sussex ha ka lympung ïalehkai kaba ha England, u la wan poi ha kane ka jingkilanmet na ka bynta ban pynkhlaiñ ïa ka kynhun.
Kane ka kynhun ïalehkai ka la ïalum lang na ka bynta ban pynkhreh ia ïka WTC Final, ha kaba u Umesh Yadav bad u Shardul Thakur ki la long kiba nyngkong eh ban ïuhkjat ha katei ka jaka. U kapten ka kynhun u Rohit Sharma bad u rangïaleh-kai ka Mumbai u Yashasvi Jaiswal ki la poi ha katei ka jaka.
Ka thup kaba khatduh ka ban sa poi haduh ka kynthup ïa u Ravindra Jadeja, Shubman Gill, Moham-mad Shami, KS Bharat bad u vice-captain u Ajinkya Rahane, ki la khmih lynti ban mih ha ka sngi Ba-ar.
