London, Jymmang:
Na ka liang jong ka synjuk pyniaid jingialehkai Kriket ha kylleng ka pyrthei ka International Cricket Council(ICC) ka khmih lynti mynta ban lah die bun tylli ki tiket bad ka jingwan ban poi shibun ki paidbah la kumno kumno ha ki saw sngi ba nyngkong jong ka lympung ialehkai kriket ka World Test Championship Final ha ka jingiakhun hapdeng ka India bad Australia naduh ka 7 tarik u Jylliew ha Oval, London.
Shuh shuh ruh na ka liang jong ka synjuk ka lah buh ruh sa ia kawei pat ka sngi jong ka lympung na ka bynta ka jingiaknieh rah nam lahduh lada ka jinglong-jingman jong ka mariang ka pynpulom noh ia ka jingialehkai baroh kawei. Kumta katei ka synjuk ka lah iatreilang ryngkat bad ka OC jong ka ECB) na ka bynta ban pynthikna ba katei ka lympung ialehkai kan pynhun shisha ia ki paidbah ki ban wan ban sakhi ha ryngkat ka jingkhmih lynti ban dap smam ki jaka shong ha katei ka madan ialehkai na ka bynta kita ki saw sngi ba nyngkong naba ka sienjam ba lah shimbynta ka long ha ka lynti kaba dei.
Ka bynta ba nyngkong jong katei ka jingiakhun Final ka kynthup ruh ia ka kynhun ialehkai na India kaba lah wan kum ka kynhun ba-ar hadien jong ka New Zealand ha ka jingia aireng jong ka ha Southampton arsnem mynshuwa. Ka shalyntem jong katei ka lympung ialehkai kan iai tyllun ha kaba man la ki kynhun ialehkai kin ialehkai hynriew tylli ki jingialehkai ha ki ar snem jong ka jingtyllun katei ka shalyntem; kata lai tylli ki jingialehkai ha-iing bad ki jingialehkai basah kin long shabar. Ka khubor ka iathuh ruh ba ka jingnang iai pynjanai shuh shuh ia ka jinglong jingman jong ka jingialehkai Kriket ka lah wanrah shibun ka jingsngewtynnad sha ki paidbah ha ki bynta ialehkai ba kham jrong bad kham jlan jong ka jingialehkai Kriket.
