Kathmandu, Jymmang:
Ka kynhun ialehkai Volleyball jong ki kynthei ka ri ha ka jingshimbynta ka kynhun ha ka lympung ialehkai kaba la long ha Nepal ka Central Asian Volleyball Association (CAVA) Women’s Volleyball Challenge Cup, ka khubor ka iathuh ba katei ka kynhun ialehkai ka la lah ban khur shalade ia ka trophy jingjop hadien ba ka lah pynliem noh ia ka Kazakhstan da 3-0 dor-thong ha ka jingiakhun phainal ka jong ki.
Kumta ruh ki 25-15, 25-22, 25-18 jingjop ba katei ka kynhun ialehkai ka ri ka lah khur ka ai ruh sha ka kynhun baroh kawei ia kata ka trophy jingjop na ka rynsan iakhun baroh kawei ka jong ka, ha ki jingia aireng ka kynhun ka bym shym la mad wat tang shisien ruh ka jingshah pynrem bad ha kaba kam shym la pynlehnohei ruh wat tang shi dor-thong ha ka jigialehkai baroh kawei haduh kaba kut.
Ka khubor ka iathuh ruh ba katei ka kynhun ialehkai ka ri ka lah dep ruh ban khur teng ia ka takma Rupa na katei ka lympung ialehkai ha u snem ba lah dep bad kaba iaisah kum ka kynhun kaba khlain ha ka jinglah jong ka ban iada ia la ka jong ka nam da ka jingiarap jong ka Nirmal, Soorya bad Anushree.
Ha ka jingiakhun na ka bynta ka jingiaknieh ia ka jaka balai ha ka lympung, ka khubor ba lah ioh lum ka iathuh ba ka Nepal ka la lah ban pynliem noh ia ka kynhun iakhun pyrshah ka Uzbekistan da 3-1 dor-thong na ka bynta ban khur shalade ia ka takma Rnong.
Ki khusnam shimet tang na ka bynta ki thei ialehkai ka India ki long :
Best Outside Hitter
K.P. Anushree (No. 13) India
Best Middle Blocker
Soorya S. (No. 6) India
Best Setter
K.S. Jini (No. 7) India
Most Valuable Player
Nirmal (No. 10) India
