Imphal, Jymmang:
Da ka jingïai lah jong ki bor shipai ka Assam Rifles ban pynsngewthuh ïa ki dkhot seng kieng atiar la ïathuh ba ha ki khyndiat sngi kiba la leit noh ki la don haduh 5 ngut ki dkhot jong ka seng kieng atiar Kangleipak Communist Party (KCP), People’s War Group (PWG) kiba la wan ban pyndemwait noh ïalade hakhmat ki bor pulit ka jylla Manipur. Kitei ki 5 ngut ki dkhot seng kieng atiar ki la wan ban pyndemwait ha ka sngi Saitjaiñ ba la dep ha ka shnong Somsai, Ukhrul district, Manipur.
La ïathuh ba kitei ki dkhot seng kieng ki la wan ban pyndemwait hadien ba ki bor shipai ki la lah ban pynsngewthuh bad khroh ïa ki ban wanphai biang sha ka lynti jong ka jingsuk bad kumjuh ruh ban sdang thymmai biang ïa la ka jong ka jingim.
Ki 5 ngut ki dkhot seng kieng atiar kiba la wan ban pyndemwait ha katei ka sngi ki la wan ban aiti ruh ïa 3 tylli ki pistol, 3 tylli ki magazine bad 19 tylli ki kuli .22.
